GJENBRUKSVEKA // Samfundsmøte: Grøn omstilling - Kven betaler prisen?

Den grøne omstillinga blir ofte framstilt som ei nødvendig og felles dugnad. I sanheita slår kostnadene svært ulikt ut.

Dette møtet tek for seg korleis klima- og miljøpolitikk påverkar sosial ulikskap, arbeidsliv og levekår, og stiller spørsmålet: Korleis kan vi få til ei rettferdig omstilling som ikkje skyv byrdene over på dei som allereie har minst?

Samtidig handlar berekraft ikkje berre om store system og politiske vedtak, men òg om vala vi tek i kvardagen. Om menneske som vel å reparere i staden for å kjøpe nytt, som handlar brukt, låner, deler og gjenbruker, ikkje fordi det åleine løyser klimakrisa, men fordi det gir ein annan måte å ta del i omstillinga på. Gjenbruk kan vere både eit økonomisk og sosialt svar, særleg for dei som ikkje har råd til dei «grøne» løysingane som ofte blir løfta fram.

Møtet inviterer til ein samtale om korleis strukturelle endringar og individuelle handlingar kan spele saman. Kanskje ligg noko av løysinga i å gjere berekraft meir tilgjengeleg, meir rettferdig, og meir forankra i fellesskap enn i forbruk.

Informasjon om arrangementet
Dørane opnar kl. 17.45. Inngang gjennom hovudinngangen. Arrangementet er gratis for medlemmar, og kostar 50 kr for ikkje-medlemmar. Billettar kjøpast i døra.

Møtet blir strøyma på Samfundet sin YouTube-kanal. Møtet blir òg lasta opp i sin heilskap på YouTube-kanalen i etterkant

Sakspapir finn du her

For bordreservasjonar, send e-post til styret-bordreservasjon@samfundet.no

Presse? Ta kontakt på styret-presse@samfundet.no